ހުޝިޔާރު ކެމްޕެއިންއަކީ ކާރިސާތަކަށް ތައްޔާރުވުމަށް، ދުރާލާ އިންޒާރުދިނުމާއި ރައްކާތެރިކަމުގެ އިރުޝާދު ޢާންމުންނާއި ހަމައަށް ފޯރުކޮށްދިނުމަށާއި ކާރިސީ ހިރާސްކުޑަކުރުމަށް ޢާންމުން ބާރުވެރި ކުރުމަށް ހިންގޭ ޤައުމީ ކެމްޕެއިންއެކެވެ.
ދިވެހިރާއްޖެއަށް ކުރިމަތިވެދާނެ ސުނާމީއެއްގެ ކުރިންނާއި، ސުނާމީ އަރާ ވަގުތުގަޔާއި، ސުނާމީއަށް ފަހުގައި ސަލާމަތްތެރިކަމާއެކު ހުރެވޭނެ ގޮތްތައް ދެނެގަނެ ދަސްކުރަމާ ހިނގާށެވެ. ސުނާމީއާ ގުޅޭގޮތުން މެޓް އޮފީހާއި އެންޑީއެމްއޭ އިން ރައްޔިތުންނަށާއި ފަތުރުވެރިންނަށް ދޭ އިންޒާރުތަކާއި، ރައްކާތެރި ހިޔާވަހިތަކަށް ދިއުމާއި، ތައްޔާރުކަން އިތުރުކުރުމަށް ހުރި އިރުޝާދުތަކާއި، އިޔާދަވުމާއި ގުޅޭ މަޢުލޫމާތު މި ލިޔުމުގައި ހިމެނެއެވެ.
ތަފުސީލު
ދިވެހިރާއްޖޭގެ ރަށްރަށަށް އުދައަރާ ފެންބޮޑުވުމުގެ އަސަރުތަކާއި، އޭގެ ސަބަބުތަކާއި، އެލަރޓުތަކާއި އަދި ފެންބޮޑުވުމުގެ ކުރިންނާއި، ތެރޭގައި އަދި ފަހުން ރައްކާތެރިކަން ކަށަވަރުކުރުމަށް އަޅަންޖެހޭ ފިޔަވަޅުތައް ދެނެގަނެ ދަސްކުރަމާ ހިނގާށެވެ. ހޭލުންތެރިކަމާއި އެކު މޫސުމީ ބަދަލުތަކަށް ހޭނުމަށް އަޅާ ފިޔަވަޅުތަކުގެ ސަބަބުން މުޖުތަމަޢު ތައްޔާރުކަން އިތުރުކޮށް ވިލުންތެރިކަން އިތުރުކުރާނެއެވެ.
ތަފުސީލު
ދިވެހިރާއްޖޭގައި ވާރޭވެހިގެން ފެންބޮޑުވަނީ ކިހިނެއްކަމާއި، ސަލާމަތްތެރިކަމާއެކު ހުންނާނެ ގޮތް ދަސްކުރަމާ ހިނގާށެވެ. ފެންބޮޑުވުމުގެ އެލަރޓުތަކާއި، ބޯވާރޭ ވެހުމުގެ ކުރިން، ވާރޭވެހޭ އިރު އަދި ފަހުން ކުރާނެ ކަންތައްތައް ދެނެގަނެ، ގޭބިސީ ފެންވަރުގަޔާއި ރަށުފެންވަރުގައި ތައްޔާރުކަން އިތުރުކުރެވޭނެ ގޮތްތަކަށް ހޭލުންތެރިވަމާ ހިނގާށެވެ.
ތަފުސީލު
ދިވެހިރާއްޖެއަށް ކުރިމަތިވާ އުދަބާނިތަކާއި، އެއީ ކޮންކަހަލަ ކަމެއްކަމާއި، އުފެދޭ ސަބަބުތަކާއި، ތޫފާނު ނުވަތަ ކޮޅިގަނޑުގެ ސަބަބުން އަރާ އުދައިން ރައްކާތެރިވުމަށް ކުރެވޭނެ ކަންތައްތައް ދަސްކުރަމާ ހިނގާށެވެ.
ތަފުސީލު
ރަށްގިރުމާއި ގޮނޑުދޮށަށް އަންނަ ބަދަލުތަކުގެ ސަބަބުން ދިވެހިރާއްޖޭގެ ރަށްތަކަށް ކުރާ އަސަރުތަކާއި، އެކަމުގެ ސަބަބުތަކާއި، ނުރައްކާތަކާއި، އަދި ގޮނޑުދޮށް ރައްކާތެރިކުރުމަށާއި ތަބީއީ ދިފާޢުތައް ބެލެހެއްޓުމަށް މުޖުތަމަޢުތަކުން އެޅިދާނެ ފިޔަވަޅުތައް ދެނެގަނެ ދަސްކުރަމާ ހިނގާށެވެ.
ތަފުސީލު
ދިވެހިރާއްޖެއަށް ތޫފާންތަކުގެ ސަބަބުން ކުރާ އަސަރުތަކާއި، އެކަމާއި ގުޅޭ މެޓް އޮފީހުގެ އިންޒާރުތަކުގެ މާނައާއި، ތޫފާންތަކުގެ ސަބަބުން ބޯކޮށް ވާރޭވެހުމާއި، ކަނޑު ގަދަވުމާއި އުދައެރުމުގެ ސަބަބުން ކުރިމަތިވާ ނުރައްކާތަކަށް ތައްޔާރުކަން އިތުރު ކުރެވޭނެ ގޮތްތައް ދެނެގަނެ ދަސްކުރަމާ ހިނގާށެވެ.
ތަފުސީލު
"ހުޝިޔާރު" (ތައްޔާރުވުން) ކެމްޕޭނަކީ މޫސުމީ ބަދަލުތަކާ ގުޅިގެން ދިމާވާ ކާރިސާތަކާ ބެހޭ ގޮތުން ރައްޔިތުންނަށް ހޭލުންތެރިކަން ދިނުމާއި، ކާރިސާތަކަށް ތައްޔާރުވުމަށް އެހީވުމަށްޓަކައި ރާއްޖޭގައި ހިންގާ ޤައުމީ ކެމްޕޭނެކެވެ. މި ކެމްޕޭނަކީ ނޭޝަނަލް ޑިޒާސްޓަރ މެނޭޖްމަންޓް އޮތޯރިޓީ (އެންޑީއެމްއޭ) އާއި މޯލްޑިވިއަން ރެޑް ކްރެސެންޓް ގުޅިގެން ހިންގާ ކެމްޕޭނެކެވެ. އަދި މި ކެމްޕޭނަކީ "ބިލްޑިންގ އަ ޑިޒާސްޓަރ ރެޒިލިއެންޓް މޯލްޑިވްސް"ގެ ސަރުކާރުގެ ވިސްނުމާ އެއްގޮތަށް ކުރިއަށް ގެންދާ ކެމްޕޭނެކެވެ. ކާރިސާއަށް ތައްޔާރުވުމާއި، ޕްލޭންކުރުމާއި، ރިސްޕޮންސް ދިނުމާއި، އަނބުރާ ޢާއްމު ހާލަތަށް ރުޖޫޢަވުމާއި އަދި ރިސްކު ކުޑަކުރުމުގެ މައި އިދާރާގެ ހައިސިއްޔަތުން އެންޑީއެމްއޭ އިން ބޭނުންވަނީ މުޖުތަމަޢުތަކަށް އެ ކޭމްޕެއިންގައި ހިމެނޭ އެއްގަލު ތެރޭގައި ތައްޔާރުވެ، އެކަށީގެންވާ ގޮތުގައި ޢަމަލުތައް ހިންގުމަށް ހިތްވަރު ދިނުމަށެވެ. މިއީ މުޅި ޤައުމުގެ ތެރޭގައި އެއްބައިވަންތަކަން އާލާކޮށް، ގުޅިގެން މަސައްކަތް ކުރުމުގެ ވިސްނުން އިތުރުކުރުމަށް މަސައްކަތްކުރާ ކެމްޕޭނެކެވެ. މިއީ މޯލްޑިވްސް ޑިޒާސްޓަރ ރިސްކް ރިޑަކްޝަން ސްޓްރެޓަޖީ 2024-2030 ގެ 4 ވަނަ ޕްރަޔޯރިޓީ، އެމްޕަވަރިންގ ކޮމިއުނިޓީސް ފޯރ އެފެކްޓިވް ރިސްޕޮންސްގެ ދަށުން ކުރިއަށް ގެންދާ ކެމްޕޭނެކެވެ. މި ކެމްޕޭނުގައި ތަޢުލީމު ދިނުމާއި، ހޭލުންތެރިކުރުވުމާއި އަދި ޑިޖިޓަލް ޕްލެޓްފޯމުތަކާއެކު ޢާއްމު ޢަމަލުތައް ހިންގުން އެކުލަވައިގެން، މުޖުތަމަޢުތައް ތަރައްޤީކޮށް ޤައުމީ ދިފާޢުވުމުގެ ޤާބިލިއްޔަތު ބާރުގަދަކުރުމަށް މަސައްކަތްކުރާނެއެވެ.
2004 ވަނަ އަހަރުގެ ސުނާމީ ކާރިސާއަށް 20 އަހަރު ފުރުމާއެކު، އެކާރިސާއިން ދަސްވި ފިލާވަޅުތަކާއި، ހާސިލުކުރެވުނު ވިލުންތެރިކަމާއި، ކާރިސީ ހިރާސް ބެލެހެއްޓުމުގެ ދާއިރާއިން ހޯދި ކުރިއެރުންތަކުގެ މައްޗަށް ބަލައިލުން
ތަފުސީލު
މުސްތަޤްބަލުގެ މޫސުމީ ހާލަތުތައް ދެނެގަނެ، ރައްޔިތުންގެ ވިލުންތެރިކަން އިތުރުކޮށް، ދިވެހިރާއްޖޭގެ ދެމެހެއްޓެނިވި ތަރައްޤީއަށް ހޭލުންތެރިކަން އިތުރުކުރާނެ ގޮތް ދަސްކުރަމާ ހިނގާށެވެ.
ތަފުސީލު
މި ލިޔުމަކީ ކާރިސާތަކަށް ތައްޔާރުވުމަށްޓަކައި ކޮންމެ ޢާއިލާއެއްގެ މެންބަރުންނަށް ވެސް އަދާކުރެވޭނެ ދައުރެއް އޮންނަކަން ހާމަކޮށްދިނުމުގެ ބޭނުމުގައި ލިޔެފައިވާ ލިޔުމެކެވެ. ކުދިންނާއި ބޮޑެތި މީހުންނާއި އަދި ކާފައާއި މާމައާ ހިމެނޭހެން، ކޮންމެ މީހަކީވެސް ތައްޔާރުވުމުގެ މި މަސައްކަތުގައި ބައިވެރިއެކެވެ. ފެންބޮޑުވުމާއި، ވައިގަދަވުމާއި، ފެންބޮޑުވުން ފަދަ ކާރިސާތަކުން ދިމާވެދާނެ ހިރާސްތަކުން ސަލާމަތްވުމަށްޓަކައި ގޭބިސީ ފެންވަރުގެ ކުއްލިޙާކަލަތްތަކަށް އިޖާބަ ދޭނެ ގޮތުގެ ޕްލޭނެއް އޮތުމަކީ ވަރަށް މުހިންމު ކަމެކެވެ. މިފަދަ ހާލަތްތަކުގައި ޢާއިލާއަށް ދިމާވެދާނެ ކާރިސީ ހިރާސް ކުޑަކުރުމަށްޓަކައި އަޅުގަނޑުމެން އެންމެން އެކުގައި މަސައްކަތްކުރުމަކީ ވަރަށް މުހިންމު ކަމެކެވެ.
ތަފުސީލު
